政府登記咗一間私人有限公司進行收購，以前一般舊區重建，一向都係市建局、地政總署和房屋局處理，而家政府開咗一間私人有限公司進行收購，即是唔係由政府有關部門收購，而係一間新成立嘅有限公司。即係筆捐款，又要經過呢間有限公司，再由呢間公司進行收購！
解說團隊向我哋解說，要我哋賣業權期間，點解唔講？最基本我哋都要知道究竟係賣俾邊個，竟然原來唔係賣俾政府？係賣俾一間剛剛開始的私人有限公司？政府點解可以將呢一筆捐款，比呢一間私人有限公司，購買大家嘅業權呢？咁都得嘅咩？我覺得好大風險。
這一間公司在4月20號註冊，政府在5月14號才發新聞稿公布。
我哋一家係5月12號約見解說團隊，既然4月20號已經註冊該私人有限公司，解說團隊應該要將呢一件事情講清楚，我哋嘅業權，究竟係賣俾政府，還是一間私人有限公司？ 這對於考慮賣還是不賣業權，有一個好大嘅風險考慮。那麼重要的資訊，竟然解說團隊隻字不提？而且新聞稿，竟然在半個月之後才發佈？
這些是好重要嘅考慮因素，就算真係要賣，我都想知道賣俾邊一個，那個集團嘅可靠程度。如果樓換樓嘅，係幾年之後嘅事，到時呢間有限公司可能附上很多法律責任，索性解散這間一蚊股本的公司，到時誰人負責，我們付了的訂金，和賣業權的錢會否退回給我們？
下一屆政府，嘅做法又係點呢？因為政府完全沒有透明度，突然間就話有間有限公司來收購，所以呢兩日都在網上搵多啲資料，了解一下個風險。
還有，呢間公司嘅營運開支，員工薪酬等等，係唔係又係用宏福苑基金支出，定係用公帑呢？總之覺得成件事古古怪怪，匪夷所思！
既然而家由一間私人公司可以出嚟收購，咁係唔係私人財團...長江實業、新鴻基等等都可以，公平丫麻，如果唔係，咪仲衰過圍標？一齊出嚟傾囉，呢個地皮，我相信私人地產商會好有興趣囉，價高者得，投標囉。
這些都是屋苑業主需要知道和考慮的事情，有乜理由賣咗俾邊個都唔清唔楚，有啲咩事，到時敲錯門，個個都話唔關佢事，都唔知點算？
Kevin
宏盛閣居民
