香港人沒自由﹖禁蒙面法實施了，你哋繼續日日蒙面。
香港人沒自由﹖出了反對通知書，你哋都係照樣遊行。
香港人沒自由﹖隨意打爛跟自己聲音唔同嘅商舖，撬鎖，做出各種鼠竊狗偷做嘅事，沒有問題，只要開遮就可以了。
香港人沒自由﹖小學雞都可以做記者，只要俾卅幾蚊買張証，甚至著件黃背心就已經係記者。
香港人沒自由﹖可以在街頭任何角落圍毆持異見嘅小市民，不必負上任何刑責，當然又係只要開遮及蒙面就可以了。
香港人沒自由﹖只要商舖撐警，甚至係屬於中資集團嘅，你哋就隨意幫它［裝修]。
香港人沒自由﹖連儂牆貼到週街都係，有礙市容不止，仲要貼埋個地，阿伯阿婆會跌倒﹖唔緊要，你哋無事就得了。
香港人沒自由﹖你哋想打人，唔緊要，開遮就得了，黑護﹑黑記仲會問你哋打完未，等你哋完成「使命」後，佢哋先至報導、先至扮救人。
香港人沒自由﹖暴動被檢控仍獲得保釋，之後仲可以搭飛機週圍去。
香港人沒自由﹖你哋要罷工，要全世界陪你，唔俾大家搭港鐵，吹咩﹖
香港人沒自由﹖你哋要罷課，學校話唔俾，就搵人圍學校﹑校長，咁都仲要話學校無自由俾你哋。
香港人沒自由﹖你哋鐘意堵邊條路就邊條路，揸車要通過，就要睇你哋嘅心情，一唔啱傾，噢，要買架新車了……
香港人沒自由﹖校長﹑老師唔聽你哋講，拍枱拍櫈，再挾持埋佢都仲得。校長揀開會地點﹖梗係唔得啦，你哋話事嘛，再唔係咪打爛埋成個課室咯！
香港人沒自由﹖你哋可以擲磚﹑汽油彈﹑鐵枝﹑鏹水﹑然後話自己乜都冇做過，好和平架﹗
其實，香港人真的沒自由﹗
香港人真的沒自由﹗每個星期六﹑日都要睇吓你哋喺邊度出現，我哋就避開，街都唔敢出。
香港人真的沒自由﹗唔可以講俾人知你係警察家屬，因為分分鐘會「禍及家人」。
香港人真的沒自由﹗港鐵因為被你們破壞了而要維修，所以要封閉某些站，晚上要提早收車而令大家沒有港鐵搭。
香港人真的沒自由﹗你不可以隨意影佢哋相 (最近先知有這規例！) ，因為你會俾人私了，但相反，他們可以隨便影你相，記者的鏡頭距離你個頭一定不超過十厘米。
香港人真的沒自由﹗人哋可以貼連儂牆，但你唔貼得！你想撕掉，可以的，一係你會俾人打，一係你淩晨四點去做啦！
香港人真的沒自由﹗很多街道的圍欄被拆掉了、沒有交通燈﹑地下啲磚成日俾人撬起咗，出街真係要小心啲！
香港人真的沒自由﹗你唔好出國外講有暴徒，因為佢地有外國人包庇，佢地要認賊作父，要打壓自己國家。
思前想後， 其實邊個最冇自由？ 「爭取自由」的暴徒，定係被他們「壓制」的香港人？ 過去八個月，黃絲和黑衣人一直高呼香港冇自由，所以要破壞香港和攬炒，冇自由是事實，還是口號而已？
飛絮
祈望香港和平的小市民
